Товч агуулга:МУИС-ийн ШУС-ийн ХУС-аас эрхлэн хэвлүүлдэг “Монгол судлал” эрдэм шинжилгээний цуврал сэтгүүлийн энэ удаагийн дугаарт МУИС-ийн монгол хэл бичиг, хэл шинжлэл, утга зохиол, урлаг судлалын салбарын эрдэмтэн багш нарын эрдэм шинжилгээний бүтээлээс гадна тус сургуультай хамтын ажиллагааны гэрээтэй гадаадын зарим их дээд сургууль, хүрээлэнгийн судлаачдын бүтээл, залуу судлаачдын эрдэм шинжилгээний өгүүлэл, орчуулга, судалгааны тайлан зэргийг оруулсан байна. Цувралын “Хэл шинжлэл” буланд орсон өгүүллүүдэд монгол хэлний авиа зүй, үг зүй, өгүүлбэр зүй, үгийн сан, утга судлал, эх судлал, сурвалж судлал, үсэг зүй, нэр томьёо судлал, түүхэн харьцуулсан хэл зүй, монгол хэлийг гадаад хүнд заах арга зүйд холбоотой асуудлууд тусгагджээ.
