Товч агуулга:Урлаг анх үүссэн дээд палеолитын үеэс Төв Азийн нүүдэлчин ард түмнүүдийн дунд анхны төр улс байгуулагдсан НТӨ III зууныг хүртэлх үеийн Монголын эртний урлагийн түүхийг хадны зураг, буган хөшөө, чимэглэх урлагийн дурсгалд тулгуурлан судлаж бичсэн тус бүтээлийг уншигч та бүхэнд хүргэж байна. Эл бүтээлд шинээр илрүүлэн олсон эртний урлагийн дурсгалуудыг судалгааны хүрээнд оруулах, Монгол нутагт эртний урлагийн бүрэлдэж тогтсон түүхэн үечлэлийг тогтоох, тэдний хөгжлийн зүй тогтолыг илрүүлэхийг зорьсон хийгээд Монгол улсын 10 гаруй аймгийн нутгийн 60-аад газраас зохиогч өөрөө биечлэн явж, олж илрүүлсэн хэдэн мянган хадны зураг, буган хөшөө, хэдэн арван чимэглэх урлагийн дурсгалыг бусад судлаачдын судалгааны үр дүнтэй харьцуулан судлаж, эрдэм шинжилгээний эргэлтэнд оруулж буйд номын шинэлэг тал оршино.
