Товч агуулга:Монгол-Японы хамтарсан "Дорно Монголын эртний Түрэгийн үеийн түүх, археологийн судалгаа" төслийн хүрээнд 2015 оноос тус дурсгалт газарт археологийн малтлага судалгаа гүйцэтгэж, гадаад, дотоод бүтэц, зохион байгуулалтыг тодруулах, гэрэлт хөшөөд болон тахилын хавтан чулууны хугархайг илрүүлэн баримтжуулж, хэв хуулга авах, он цагийн хамаарлыг нарийвчлан тогтоох, судалгааны үр дүнг хэлэлцүүлэх, дурсгалыг цаашид хэрхэн хадгалж хамгаалах, сэргээн засварлах талаар санал, үндэслэл боловсруулах ажил хийгдэж байгаа болно. Тус бүтээлд энэхүү төслийн хүрээнд гүйцэтгэсэн "Донгойн ширээ"-ний дурсгалын 2015, 2016 оны археологийн малтлага судалгааны үр дүнгээс товч оруулсан байна.
