Товч агуулга:Аливаа ард түмний бахархах, бардамнах зүйлийн нэг нь өвөг түүх, үлдэж хоцорсон соёлын өв гэдэг. Ноён ууланд Хүннүгийн язгууртны булшийг археологийн аргаар малтан судалснаас хойш 90 орчим жилийн хугацаанд хэдэн арван дурсгалт газарт судалгааны ажил хийгдэж арвин их хэрэглэгдэхүүн, эд өлгийн ховор нандин олдворууд цугларчээ. Энэхүү ном нь өнгөрсөн хугацаанд Монголын болон дэлхийн олон улсын эрдэмтдийн оролцоотой хуримтлагдсан Хүннүгийн соёлын үнэт өвийн гайхмшигт цуглуулгыг багтаасан анхны томоохон бүтээл болсон байна.
