Товч агуулга:Чингис хааны өв, соёлын хүрээлэн, Олон улсын Монгол судлалын холбоо, Чингис хаан музей, ОХУ-ын Эрмитаж музей хамтран эрхэлсэн "Эрмитаж дахь Монголын эзэнт гүрний үеийн дурсгалууд" бүтээлийг уншигч та бүхэнд хүргэж байна. ОХУ-ын Улсын Эрмитаж музейн цуглуулгад буй XIII-XIV зууны үеийн Монголын эзэнт гүрний үед хамаарах эд өлгийн зүйлс болох Кондуй, Хархираа, Дён Терек, Межегей зэрэг хотын малтлагаар гарсан олдворуудад тус музейн судлаач, доктор Ю.И.Елихина дэлгэрэнгүй тайлбар хийн хэвлэн нийтлүүлж байгаа болно. Энэхүү бүтээл нь олон эрдэмтэн судлаачид, аялагчдын янз бүрийн цаг үед цуглуулсан цуглуулга бөгөөд Монголын эзэнт гүрний үеийн өвийг тусгайлан судалж байгаа мэргэжлийн судлаачид, сонирхогч, түүх, урлаг судлаач хэн бүхэнд чухал гарын авлага хэрэглэгдэхүүн болно.
