Товч агуулга:Эл бүтээл нь зургаан бүлгээс бүрдсэн бөгөөд эхний бүлэгт, Чингисийн төрөөс монголчуудын талаар явуулсан бодлогын нэгээхэн хэсгийг хатдад өргөмжлөл олгох үйл явцаар төлөөлүүлэн үзэж, хатдад өргөмжлөл олгох эрх зүйн орчин хэрхэн бүрэлдэн тогтсон, улмаар өргөмжлөлт хатдын нийгмийн байр суурийг хөндсөн болно. Хоёрдугаар бүлэгт өргөмжлөлийн эхийн агуулгыг задлан шинжилж, эмэгтэйчүүдийн ёс суртахууны талаарх монголчуудын уламжлалт үзэл Манжийн эрхшээлийн үед хэрхэн уламжлагдаж, эсвэл өөрчлөгдөж ирснийг тусгажээ. Харин гуравдугаар бүлэгт Манжийн эрхшээлийн үед гэр бүлийн харилцаанд эрх зүйн хүрээнд хэрхэн шийдвэрлэх болсон хийгээд худ ургийн харилцаанд гарсан өөрчлөлт, хандлагыг авч үзсэн байна.
