Товч агуулга:“Монголын шилдэг нийтлэл” 99 цувралын 88 дугаар боть Эргэлт.мн мэдээллийн сайтын сэтгүүлч, уран бүтээлчдийн бүтээлээр хэвлэгдээд буй. Энэхүү “Эргэлт-88” I, II бүтээлийг уншигч та бүхэнд толилуулж байна. Тус цуврал номд Эргэлт.мн мэдээллийн сайтын 12 залуу уран бүтээлчийн 150 гаруй бүтээл багтжээ. Тус I ботид Эргэлт.мн мэдээллийн сайтын Ерөнхий эрхлэгч Э.Хүрэлбаатар, Нэвтрүүлэг, тоймчдын албаны дарга Ц.Цогтбаяр, Эрэн сурвалжлах, шуурхай мэдээллийн албаны дарга Д.Чанцалдулам, Улс төрийн мэдээллийн албаны дарга Б.Бадралмаа нарын сурвалжилсан тэмдэглэл, хөрөг, аян замын тэмдэглэл, улс төрийн томчуудын хууль бусаар мөнгө “идсэн” эдийн засгийн гэмт хэргийг илчилсэн баримтуудыг хамтатгасан болно.
