Товч агуулга:Энэхүү ном нь тодорхой дөрвөн зорилго агуулсан, сэтгэлийн танин мэдэхүйн толь - билиг ухааны эрэлчид чиг заагч луужин юм. Эхлээд Буддын танин мэдэхүйн холбогдолтой нэр томъёо, ойлголтын утга, хэрэглээний хэв маягийг монгол түлхүүр үгсээр дамжуулан тодруулахад түүнийг хэрэглэж болно. Дараа нь тодорхой үг, хэллэгийг түвд, орос, англи хэлүүдээр хэрхэн илэрхийлэхийг олж харах агаад түлхүүр үгийн утгын орон (semantic field)-д хамаарах үг хэллэгтэй танилцах, нэг үгээс нөгөөд дамжих замаар үг толийг сургалтын хэрэглэгдэхүүн болгон ашиглах боломжтой. Эцэст нь дөрвөн хэл дээрх тухайн үг, хэллэгийн утга санааг буулгасан байдлыг өөр хооронд нь харьцуулан хэлэлцэх замаар Буддын танин мэдэхүйн онол-практикийн түвшинд ном хаялцаж, мэтгэлцээн өрнүүлэх боломжтой. Эл тольны эхэнд оруулсан 925 түлхүүр үгс нь тольны 2600 орчим мөр бүхий агуулгыг цэгцлэн Танд чиглүүлж өгөх агаад Буддын ухааны судар, шаштирын агуулгуудаас түүсэн байна.
