Товч агуулга:Энэхүү цувралын I ботийг Монголын Буриад сурын холбоотой хамтран Дорнод аймгийн харьяалал бүхий хэлмэгдэгчдийн дурсгалд зориулан эмхэтгэн бүтээсэн байна. Тус бүтээлд ХХ зуунд Монгол улсад явагдсан их хэлмэгдүүлэлтэд өртөж хэлмэгдэн, улмаар цагаатгагдсан хүмүүсийн товч мэдээлэл, Дорнод аймгийн бүх сумдаас болон тухайн үед тус аймагт харьяалагдаж байсан Хэнтий, Сүхбаатар аймгийн сумдын хүмүүсийн мэдээлэлийг багтаажээ. Нийт 3658 хүний хэрхэн хэлмэгдсэн, түүний учир шалтгаан, цагаатгасан байдал зэргийг товч байдлаар тусгасан байна.
