Товч агуулга:Энэхүү номд академичийн мэндэлсний 100 жилийн ойг тэмдэглэн өнгөрүүлсэн арга хэмжээний холбогдолтой материалуудаас гадна 2013 онд 90 жилийнх нь ойгоор зохион байгуулсан "Монголын шинжлэх ухаан, дээд боловсролын хөгжил ба академич Н.Содном" эрдэм шинжилгээний хурлын материалыг оролцуулан нэгтгэн гаргасан байна. Уг номын 1 дүгээр бүлэгт Цөмийн физикийн судалгааны төвийг академич Н.Содномын нэрэмжит болгосонтой холбоотой материалууд, академич Н.Содномын мэндэлсний 100 жилийн ойд зориулсан МУИС-ийн хүндэтгэлийн хурал, ЦФСТ-өөс "Рентген анализ-VI" олон улсын эрдэм шинжилгээний хурал, Монгол улсын ШУА-ийн хүндэтгэлийн их чуулган, Боловсролын шинжлэх ухааны академийн хүндэтгэлийн чуулган зэрэг арга хэмжээний материалуудыг тус тус оруулсан болно. 2 дугаар бүлэгт Н.Содном багшийн тухай нийтлэл, дурсамжууд, 3 дугаар бүлэгт академичийн нийтлүүлж амжаагүй тэмдэглэлүүд, номын 4 дүгээр бүлэгт "Монголын шинжлэх ухаан, дээд боловсролын хөгжил баг академич Н.Содном" (2013 он) нэртэй эрдэм шинжилгээний хуралд тавьсан илтгэлүүдийг багтаажээ. Мөн номын 5 дугаар бүлэгт академич Н.Содномын амьдрал үйл ажиллагаатай холбоотой бусад зарим материалыг оруулсан байна.
