Товч агуулга:Энэхүү номын нэгдүгээр бүлэг нь урьд өмнө нь сургалт болон судалгаа, шинжилгээнд төдийлөн нийтэд мэдээлэгдэж байгаагүй монгол бичгийн зөв бичих зүйн онолын шинэ мэдээллүүдийг тусгай бүлэг болгон оруулж өгснөөрөө шинэлэг гэхээр онцлогтой төдийгүй энэ нь таны зөв бичих зүйн мэдлэгт ихээхэн тус болох ажээ. Мөн хоёрдугаар бүлэгт монгол бичгийн зөв бичих дүрмүүдийг дэлгэрэнгүй оруулж өгсний дотор нэр, үйл үгийн хувиллуудыг бүрэн ба хэрэглээний хувилал гэж ялгаснаараа энэ нь зөв бичиж сурахад энгийн бөгөөд ойлгомжтой гэж болно. Гуравдугаар бүлгийн "Монгол бичгийн зөв бичих зүйн түлхүүр үгс" хэмээх хэсэгт: "Түүхэн уламжлалт бичлэгтэй үгсийн түүвэр, зөв бичихүй, үсгийн зурлага салгасан үгсийн түүвэр, зөв бичихүй, хам бүтцийн түвшинд үгийн утга ялгах үгсийн түүвэр зэргийг тусгасан байна.
