Товч агуулга:Орхон Их Сургуулийн 30 жилийн ойд зориулан тус сургуулийн үүсгэн байгуулагч профессор Н.Хажидсүрэнгийн эрдэм шинжилгээний бүтээлийг Монгол хэл, соёл судлалын төвөөс эрхлэн гурван дэвтэр болгон эмхэтгэн хэвлүүлж уншигч та бүхэнд хүргэж байна. "Боловсрол судлал, заах аргын асуудал" хэмээх гуравдугаар дэвтэрт профессор Н.Хажидсүрэнгийн бичсэн сурталчилгааны өгүүлэл, мэндчилгээ, бусадтай хийсэн ярилцлага, эрдэм шинжилгээний илтгэл, илтгэлийн хураангуй, хэлсэн үг, төв, орон нутгийн тогтмол хэвлэл, радио, телевизэд өгсөн ярилцлага, удирдаж хамгаалуулсан магистрын дипломын зохиолын тодорхойлолт, магистрын дипломын зохиолын шүүмж зэргийг, оруулж эцэст нь түүний тухай нийтлэгдсэн "Нямаагийн Хажидсүрэн ном, хэвлэлийн хуудаснаа" гэсэн тусгай хэсгийг хавсаргажээ.
