Товч агуулга:Эртний янз бүрийн үеүд нь соёлын гүн гүнзгий харилцан үйлчлэлцэл, амьжиргаагаа залгуулах оновчтой хэлбэрийг эрэн хайсан түүхээр дүүрэн байдаг. Дундад зууны эрин үе нь чухал нэхэн сэргээлт, алдар суутай түүхэн үйл явдлуудын тусгал юм. Энэхүү бүтээлийг Оросын мэргэжилтнүүдийн судалгааны туршлага дээр үндэслэсэн орчин үеийн соёл-он дарааллын үзэл баримтлалыг ашиглажээ. Энэ бүтээлийг Сибирь, Алтайн түүхийг сонирхогч өргөн хүрээний уншигч түмэнд зориулсны дээр коллеж, их дээд сургуулийн сургалтад ашиглаж болно. Алтайн түүхийн эхлэл нь нэн эртний эрин үед чулуун зэвсэг ашиглаж, Умард Азийн нутаг дэвсгэрийг эзэмших болсонтой холбоотой. Орчин үеийн хэлбэрийн хүн үүссэнийг гайхамшигтай жишээ агуйн цогцолборуудаас олджээ. Археологийн олдворууд нь чулуун зэвсгийн бусад үе (мезолит, неолит)-ийг ч гэрчилдэг. Эртний эрин үеийг илэрхийлсэн хэрэглэгдэхүүн нь бүхэлдээ хөдөлмөрийн зэвсэг болон бусад эдлэл хийхэд эхлээд зэс, дараа нь хүрэл, сүүлд нь төмөр зэргээр шинэ материал эзэмших үйл явц чухал үүрэгтэй байсныг харуулдаг.