Товч агуулга:Монгол Улс, Япон Улсын хооронд дипломат харилцаа тогтоосны 50 жилийн ойд зориулж Монгол, Японы харилцааны 1972-2022 онд холбогдох баримт бичгүүдийг Монгол Улсын Үндэсний төв архив, Гадаад харилцааны төв архивын эх сурвалжууд, Үндэсний төв номын сан, ШУА-ийн Олон улс судлалын хүрээлэнгийн баримт хэрэглэгдэхүүн болон цахим хуудас мэдээллийн бусад эх сурвалжид тулгуурлан эмхэтгэжээ. Монгол Японы харилцааны түүхэнд анх удаа нийтлэгдэж, уншигч түмний оюуны мэлмийд хүрч буй энэхүү баримт бичгийн эмхэтгэл нь хоёр орны хагас зуун жилийн харилцааны хөгжил дэвшлийг илэрхийлсэн баялаг түүхэн үйл явдлуудыг гэрчлэх албан ёсны баримт бичгүүд, тухайлан хоёр улсын үе үеийн Ерөнхийлөгч, Засгийн газар, Ерөнхий сайд нарын хооронд байгуулсан гэрээ хэлэлцээр, төрийн дээд хэмжээний айлчлалуудын албан мэдээ, хамтарсан мэдэгдэл, Япон Улсын Засгийн газраас удаа дараа үзүүлсэн зээл тусламж, томоохон бүтээн байгуулалттай холбоотой баримт бичгүүд, салбарын яам, газруудын хамтын ажилагааны баримт бичиг зэргийг бүрнээ хамруулахыг зорилго болгожээ.