Товч агуулга:Хөөдөөгийн Эрдэнэбаатар найрагчийн утгын онь, урын дээдийг шинжилсэн энэхүү номын нэгдүгээр хэсгийг алдарт "Урианхайн хөх уулс" шүлгийн "Ай хөөрхий өнгөт улирал энэ ууланд хамаарахгүй" хэмээх мөрөөр нэрлэж, чанад сэтгэлийн гэгээн үгсийн суварга болсон дурсамж, нийтлэл, захидлыг багтаасан хоёрдугаар хэсгийг Эгшиглэнт эх Янжинлхамын хишиг хүртсэн "Суварга үгс" шүлгээр оноожээ. Цаг үе, утга зохиолын амьдрал, уран бүтээлийн талаар өөрийн үзэл бодлоо илэрхийлсэн гал цогтой, эрс шулуун, хөхүүн хөгжүүн ярилцлагуудыг нь багтаасан гуравдугаар хэсгийг яруу найрагчийн "Өчил" шүлгийн "Баруун сарны гэрэлт шүлэгчийг, Бардам явсныг хорвоо мартахгүй" хэмээх мөрөөр нэрийдсэн байна.