Товч агуулга:Тус эрдэм шинжилгээний хуралд монгол гэрийн түүх, холбогдох соёлын талаар өгүүлсэн агаад Монгол Улс, ОХУ, БНУнгар улсын нийт 55 эрдэмтэн судлаачийн 46 илтгэл багтжээ. Цаашлаад монгол нутаг дахь гэр урлалын язгуур шинжийг илрүүлэн судалж, монгол гэр урлаач өвлөн уламжлагчдын залгамж халааг бэлтгэх, нутаг нутгийн онцлогийг илэрхийлсэн дэг сургуулийг өвлүүлэх, монгол гэрээр музей байгуулах зэрэг өргөн хүрээтэй ажлыг зохион байгуулах шаардлагатай гэх зорилтыг дэвшүүлсэн байна.
