Товч агуулга:Тус манж хэлээрх сурвалжийг Манжийн тэнгэрийн тэтгэсэн хаан үндэсний соёл, зан үйлээ устаж үгүй болохоос сэрэмжлэн бөөгийн зан үйл, ёс жаягийг хуульчлан тогтоохоор зохиолгожээ. Зарлигаар тогтоосон манж нарын тайх, тахих хуулийн бичгийг 1747 онд Дотоод яамнаас сийрүүлэн гаргасан нь анхандаа гар бичмэл хэлбэрээр хадгалагдаж байгаад 1774 онд манж хэлээрх бар хэвлэл нь хэвлэгджээ. Энэхүү бүтээлд Үндэсний номын сангийн Дорно дахины сан хөмрөгт хадгалагдаж байгаа эхийн гэрэл зургийг хавсаргасан бөгөөд тус бүтээлд манж найман хошууны бөөгийн зан үйл, ёс заншлыг бүрэн тусгаагүй боловч, манж бөө мөргөлийн түгээмэл тайлга тахилгын ёс жаягийг тогтсон дэгтэй болгож хуульчилсны хувьд тайх тавиглах ёс, шивших үг зэргийг бичгээр уламжлан үлдээсэн чухал дурсгал юм.
