Товч агуулга:Монгол улсын шинэ Үндсэн хуулийн 5 дугаар зүйлийн 5.2 дахь хэсэгт "Төр нь нийтийн болон хувийн өмчийн аливаа хэлбэрийг хүлээн зөвшөөрч, өмчлөгчийн эрхийг хуулиар хамгаална" хэмээн зааснаар Монгол улсад өмчийн тухай ойлголт, өмчийн төрөл, хэлбэр, өмчлөх эрхийн агуулга шинээр бүрэлдэн бий болох эрх зүйн үндэс бүрдсэн юм. Гэхдээ нийтийн өмчийн ойлголт, түүний төрөл, өмчийн эзэн, өмчлөх эрхийн агуулга буюу хязгаарлалтын талаарх эрх зүйн зохицуулалтууд нь одоо хүртэл тодорхойгүй буюу ойлгомжгүй байдлыг бий болгодог. Тухайлбал нийтийн өмч нь төрийн өмчтэй адилхан уу?, нийтийн өмчийн өмчлөгч нь хэн бэ?, тэрээр туйлын өмчлөх эрхтэй юу? зэрэг эргэлзээ бүхий асуудлыг үүсгэдэг тул энэхүү өгүүллээр эдгээрт хариу өгөхийг зорилоо.
