Товч агуулга:Монгол улсад 1998 онд 1729 удаагийн гал түймэр гарч байсан бол 2011 онд энэ тоо 55 хувиар өсч 3115 болсон байна. Мөн түүнчлэн улс орны хөгжлийг дагаад газрын тосны бүтээгдэхүүний импорт жил бүр өсөн нэмэгдсээр байгаа билээ. Үүнтэй уялдан Монгол улсын засгийн газраас газрын тосны бүтээгдэхүүний боловсруулах үйлдвэрийг барьж байгуулах шийдвэр гараад байна. Газрын тос, газрын тосны бүтээгдэхүүний гал түймрийн аюулгүй байдал, унтраах арга зүй, эрсдэлийн үнэлгээ, гал түймрээс хэрхэн урьдчилан сэргийлэх, хохирол багатай унтраах, газрын тосны бүтээгдэхүүний агуулахын эрсдэлийн үнэлгээг хэрхэн хийх аргачлалын талаар уг гарын авлагад тусгажээ.