Товч агуулга:Энэхүү бүтээлд эх сурвалж тус бүрийн зохиогч, номын нэр, ном судрыг бүтээхэд оролцсон хүн, хэвлэгдсэн он, хэвлэсэн газар, хуудас, хэмжээ, хэвлэлийн төрөл, онцлог байдал, материалын төрөл, ангийн заалт, сан хөмрөг дэх бүртгэлийн дугаар, тайлбар гэх мэт хэвлэн нийтлэлийн мэдээг аль болох дэлгэрэнгүй оруулж, зохиогч, номын нэр, оролцогчдын тухай мэдээг монгол хэл, эх бичиг судлалд баримталж буй эрдэм шинжилгээний галигаар галигласан болно. Мөн хэвлэн нийтлэлийн мэдээг оруулахдаа бичигдсэн, хэвлэгдсэн оны билгийн тооллыг аргын тооллоор давхар тодотгон өгч, тайлбар хэсэгт уг сурвалж бичгийн бүрэн бүтэн эсэх, ямархуу гэмтэлтэй тэргүүтнийг тодорхойлж өгөв. Бүртгэлийн төгсгөлд номыг бүтээхэд оролцсон хүмүүсийн нэрийн хэлхээсийг кирилл үсэг болон эрдэм шинжилгээний галиг үсгээр тус тусад нь хийж хавсарган орууллаа.
