Товч агуулга:Энэхүү бүтээлд Ховд аймгийн Чандмань, Цэцэг, Мөст, Алтай сумын нутагт хийсэн халх ястны зарим үлгэр, домог, хууч яриа, оньсого, зүйр цэцэн үг, тоглоом, дуу, зан судалгааны эх хэрэглэгдэхүүний талаар өгүүлэхийг зорьлоо. Эл эх материал нь үлгэр, дуу зонхилох бөгөөд Цэцэг сумынхны им тамганд бэбүшин тамга гэж байна, энэ тамгыг Хятадаас авчирсан бөгөөд гурав дахь үедээ хэрэглэж байгаа, зарим цээрлэх зүйлд эр хүн энгэр заамаа задгайлж явахгүй, хоёр нугалсан хадгийг хүнд өгдөггүй, айлын буурин дээгүүр алхдаггүй, малын гүзээний үсийг хусдаггүй хусвал буян тогтдоггүй зэрэг зан үйл, ахуй амьдралын сонирхолтой мэдээллийг агуулж байна. Мөн зарим хэсэгт хөрш зэргэлдээ нутаглах захчны аман билгийн жишээ мэр сэр орсон болно. Ховд аймгийн Дөргөн сумын дөрвөд ястны ардын дуу, домог, хууч яриа, үлгэр, ерөөл, оньсого, зан үйл, тоглоом наадгай, Ховд аймгийн Эрдэнэбүрэн сумын өөлд ястны үлгэр, домог, дом шившлэг, ардын дуу, зүйр цэцэн үг, ерөөл, магтаал, бэлгэ дэмбэрэл, зан үйлийн талаар тусгажээ.