Товч агуулга:Монгол утга зохиол, аман зохиолд шог хошин зохиолын асар их уламжлал буй. Түүнийг нарийвчлан судалж, нэгтгэн дүгнэх, хошигнож шоглох эв дүй, уран чадвар, араг барилыг шинжлэн тодорхойлох нь нэн чухал юм. Энэ удаад судлаач Ш.Цэнд-Аюуш ардын аман зохиол, бичгийн хүмүүс, аман шогчдын зохиол бүтээл, шинэ цагийн хошин шог зохиолын тухайд бүлэг тус бүрт нь зохих үнэлэлт дүгнэлт хийж, голлох уран бүтээлчдийг тодруулан, энэ үндсэн дээр зохион туурвих арга барил, туршлагын өвөрмөц тал, ололт дутууг тодорхойлж өгөхийг чухалчилсан байна. Энэхүү судалгаа нь монгол хошин шог утга зохиолыг анхлан цэгцлэн судалж, нэгдмэл ойлголт дүгнэлт өгч байгаагаараа, хошин шог утга зохиол утга зохиолын амьдралд ямар байр суурь эзэлж, хэрхэн баяжуулж байдгийг болон манай хошин шогчдын зохион туурвих өвөрмөц арга барил, уламжлал туршлагыг нэгтгэн дүгнэснээрээ шинэлэг юм.