Товч агуулга:"XX зууны монгол зохиолчид" цувралын эл дугаарыг Монгол улсын төрийн хошой шагналт зохиолч Дашзэвэгийн Сэнгээгийн мэндэлсний 100 жилийн ойд зориулан бичив. Д.Сэнгээ бол XX зууны Монгол бичгийн зохиолын хөгжил, төлөвшилд чухал хувь нэмэр оруулсан зохиолч төдийгүй XX зууны монгол бичгийн зохиолын шинэчлэгчид хэмээн зүй ёсоор хүлээн зөвшөөрөгдсөн нэгэн үеийн төлөөлөгчдийн уран бүтээлийн түрлэгийг удирдан залсан багш, Монгол улсын утга соёлын идэвхтэй зүтгэлтний нэг байсныг өгүүлсний дээр түүний уран бүтээлийнх нь талаар тусгажээ.
