Товч агуулга:Уур амьсгалын дулаарал, хуурайшил эрчимжиж буй өнөөгийн нөхцөлд ус ашиглалтын асуудал дэлхийн олон улс орон үүний дотор гандуу уур амьсгалтай Монгол оронд хүртэл тулгамдсан асуудлын нэг болж байна. Багагүй хэмжээний ус чийгийн нөөц хөрсөн бүрхэвчид агуулагддаг. Дэлхийн хуурай гадаргын хөрсөн дэх усны нөөцийн нийт хэмжээ гол мөрний усны нөөцөөс 7.6 дахин их байдаг гэсэн тооцоо байна. Хөрсний ус чийгийн нөөцийг нэмэгдүүлэх, сайжруулах олон янзын арга туршлага байдаг. Уг бүтээлд бид өөрсдийн судалгааны туршлага, гадаад улсууд болон Монгол оронд ашиглагддаг арга зүй, зөвлөмжүүдийг эмхэтгэн оруулжээ.
