Товч агуулга:Монгол Улсын Засгийн газар 1992 онд АХБ-ны тусламжтайгаар шинэчилсэн авто замын ерөнхий төлөвлөгөөндөө улсын чанартай авто замын сүлжээг ирэх 10 жилд хөгжүүлэх асуудлыг эн тэргүүний зорилт болгон тусгасан. Уг ерөнхий төлөвлөгөөнд үндэслэн тэргүүлэх чиглэлийн авто замын тэнхлэгүүдийг шинэчлэн сайжруулах ажлын техник эдийн засгийн үндэслэлийн судалгааг АХБ-наас санхүүжүүлсэн юм. Мөн АХБ-ны дэмжлэгээр авто замын гол босоо тэнхлэгүүдийн коридориудыг хөгжүүлснээр Монгол улс өөрийн авто замын сүлжээг Азийн авто замын сүлжээнд нэгтгэж, улсын болон бүс нутгийн эдийн засгийг хөгжүүлж, ядуурлыг бууруулахад өөрийн хувь нэмрээ оруулсан юм.