Товч агуулга:Хөрст дэлхийдээ шингэх тэр цаг мөч хүртэл хүсэл мөрөөдөл зорилго нь уураг тархинд нь боловсорч, сэтгэл зүрхэнд нь хадаатай явдаг байх. Тэр тусмаа уран бүтээлч хүн цаашдынхаа бүтээл туурвилыг сэтгэлдээ харж, мэдэрч төсөөлж, өвчин шаналалаа ч үл тоон оюун санаагаа чилээж суудаг юм билээ. Аав минь бие махбодиороо биднийг орхиж бурхны оронд одоход, оюун санааг нь үргэлжлүүлэх, хийхээр зорьж байсан бүтээлийг нь гүйцэлдүүлэх үүрэг надад ногдож ганц хүүгийнх нь хувьд зүтгэж энэ бүхний ард гарахад хэцүүхэн санагдаж байлаа. Гэхдээ... аавтай минь хамт ажиллаж нөхөрлөж. зааж зөвлөж, тусалж дэмжиж. сургаж суралцаж алдаа оноогоо хэлэлцэж, уран бүтээлийн их аянд дөрөө харшуулж явсан олон түмний дэмжлэгээр энэхүү жүжгийн түүврийг эмхэтгэн гаргалаа.
