Товч агуулга:Монгол улсын ШУА-ийн Түүх, Археологийн хүрээлэнгийн эрдэм шинжилгээний уламжлалт цуврал болох "Monumenta Historica" буюу "Түүхийн дурсгалт бичгийн чуулган" сэтгүүлийн XI тусгай дугаарт "Эрдэнэ зуугийн намтар"-ын 2 хувилбарыг нийтлүүлж олны хүртээл болгож байна. Үүнд Монгол улсын Үндэсний номын сангийн Гар бичмэлийн сан хөмрөгт хадгалагдаж буй өдгөө судлаачдын анхааралд төдий л өртөөгүй "Эрдэнэ зуу ба өндөр гэгээний намтар" хэмээх нийлмэл сурвалжийн "Эрдэнэ зуугийн намтар" хэсэг ба "Эрдэнэ зуугийн тухай" хэмээх хоёр сурвалжийг хэвлүүлжээ.
