Товч агуулга:Энэхүү зохиол нь /1872-1922 он/ хэвлэсэн он тодорхойгүй ч ерөнхийдөө түүний зарлигийн зохиол болох "Төгс жаргалант эх"ийг 12 сүүдэртэйдээ айлдсанаас авахуулаад айлдсан нийт айлдваруудын засваргүй эхүүд, өөрийнх нь намтар зэрэг тухайн үед улс орон даяар өрнүүлэн, өөрөө санаачлан, удирдаж байсан үйл хэрэг, нэгэн цаг үед амьдарч байсан түүхэн хүмүүсийн нэр алдар дурьдагдсан зохиол зэргээр баримжаалсан болно. Уг эмхэтгэл нь Богд гэгээний бидэнд үлдээн хайрласан соёлын баримтат өвүүд дотроос, түүний өөрийнх нь зарлиг, бүтээл болохын хувьд, мөн шашин, төр, улмаар төрийг засах хос ёсны баримтлалын түүхэн тодорхой цаг үеийг илтгэхийн хувьд ч түүхийн баримт, хойч үеийнхэнд оюуныг засах сургааль, хуврагийн аймагт санваар сахилыг сахих цааз, төрийн хүмүүнд иргэдээ нигүүлсэн, цааз ёсыг чанд баримтлах суртал, Монгол орны хүн зоны магадын сайн, тусгаар улсын төрийн багана гулзайшгүй бат, шашны олон мэргэдийн өлмий бат, басхүү хойдын төрөл нь эндүүрэггүй төрөхийг ерөөсөн ерөөл зэргийн цоморлиг болохын тухайд ихээхэн үнэ цэнэтэй юм.