Товч агуулга:ШУА-ийн Түүх, угсаатны зүйн хүрээлэнгийн Монголын эзэнт гүрний салбарын судлаачид, бусад түүхчдийн сүүлийн 10 гаруй жилийн турш хийгдсэн судалгаанд түшиглэн Монголын эзэнт гүрний бүрэн түүх 5 боть зохиолыг нэмж засварлан шинээр туурвижээ. Энэхүү “Монголын эзэнт улсын түүх” цувралын V боть “Монголын Ил хант улс”ын түүхийг доктор Л.Ганбат, А.Энхбат нар хамтран бичжээ. Уг бүтээлд Ил хаадын зүгээс Бага Ази, Ойрхи дорнодын бүс нутагт явуулсан улс төрийн бодлого, үйл ажиллагаа, монголчуудын бүс нутагт үзүүлсэн нөлөөлөл, Бага Азийн бүс нутагт оршиж байсан монгол овог аймгийн түүх, соёлын талаар авч үзжээ.
