Товч агуулга:ШУА-ийн Түүх, угсаатны зүйн хүрээлэнгийн Монголын эзэнт гүрний салбарын судлаачид, бусад түүхчдийн сүүлийн 10 гаруй жилийн турш хийгдсэн судалгаанд түшиглэн Монголын эзэнт гүрний бүрэн түүх 5 боть зохиолыг нэмж засварлан шинээр туурвижээ. Сурвалж бичиг, түүхэн археологиор нэмж баяжуулсан тус бүтээл нь “Их Монгол улс”, “Монголын Юань улс”, “Монголын Алтан ордны улс”, “Монголын Цагадайн улс”, “Монголын Ил хант улс” гэсэн таван ботитой. Энэхүү “Монголын Алтан Ордны улс” III боть зохиолыг доктор С.Цолмон туурвисан бөгөөд Алтан Ордны улсын талаар сүүлийн үед гарсан судалгааны үр дүн, олдвор, шинэ баримт материалд тулгуурлан авч судалжээ.
