Товч агуулга:ШУА-ийн Түүх, угсаатны зүйн хүрээлэнгийн Монголын эзэнт гүрний салбарын судлаачид, бусад түүхчдийн сүүлийн 10 гаруй жилийн турш хийгдсэн судалгаанд түшиглэн Монголын эзэнт гүрний бүрэн түүх 5 боть зохиолыг нэмэн засварлаж шинээр туурвижээ. Түүхчид энэ бүтээлдээ орчин үеийн түүх, археологийн судалгааны ололтыг ашиглахын зэрэгцээ бичгийн сурвалжийн мэдээг аль болох эш татаж, баталгаа нотолгоо болгон оруулснаараа шинэлэг болсон байна. Тус бүтээлд Их Юань улс байгуулагдсан үе, Чингис хаан болон түүний залгамж хаадын аян дайн хийж байсан шалтгаан, дайны үр дүн, Юань улсын оршин тогтнолын үеийн төр, нийгмийн байгуулал ба Юань улсын ноёрхол эцэс болсон уналтын үеийн түүхийг хамарсан байна.