Товч агуулга:З.Агваанбалдан цорж энэхүү зохиолоо бичихдээ бурхан багшийн анхлан номлосон билиг барамидын судрууд болох "Найман мянган шүлэгт" (Жадамба), Эх (Юм) судар болон ялангуяа Шарын шашныг үндэслэгч, монголчуудын шүтэн дээдэлдэг Богд Зонхавын "Алтан эрхс" хэмээх билиг барамидын тайлбар зохиолоос олонтаа ишлэсэн байгаа нь хэр өргөн хэмжээнд билиг барамидын сургаалыг эзэмшсэн болохыг харуулж байгаа баримт болно. Ер нь Тунгалаг цоржийн зохиолууд нь монгол мэргэдийн оюуны өргөн цар хүрээ, сэтгэмжийн өндөр түвшнийг харуулсан, гүн ухааны нэн нарийн асуудлуудыг хамран оруулжээ.
