Товч агуулга:Сэтгүүлч, яруу найрагч Л.Батцэнгэлийн энэ номонд ардын уран зохиолч, төрийн шагналт яруу найрагчид, уран бүтээлчдийн олон хөрөг, хөөрөлдөөн багтжээ. Тэдний утга төгөлдөр амьдралын намтар хэн бүхний аж төрөлд сургамж, сэтгэлийн таашаал бэлэглэх нь дамжиггүй. Ончтой асуулт, наалдацтай яриагаараа утга зохиолын ертөнцийн сор нь болсон олон сайхан уран бүтээлчдийн дотрыг уудалж, үнэтэй сайхан санаа бодлыг нь гаргуулж аваад, уншигчдад “Оюунаа хоолло” гээд өргөн барьсан байна. Түүний ярилцлагууд нэг талаасаа хөрөг мэт, нөгөө талаасаа мөшгөн нягталсан эрэн сурвалжлахуйн бүтээл болжээ.
