Товч агуулга:Дундад эртний Хятадын яруу найргийн алтан үе хэмээн тэмдэглэгддэг Тан улсын үеийн яруу найргийг залгамжлан хөгжүүлсэн Сүн улсын үеийн яруу найргийн голлох төлөөлөгчдийн бүтээлээс энэхүү дэвтэрт толилуулжээ. Номд оруулсан шүлгүүд нь эртний нангиадын уламжлалт ши, цы төрлийнх билээ. Ши, Цы төрлүүд нь агуулгаараа ялгаатай. Гүн ухааны болон иргэний уянгын агуулгыг Ши төрөл илэрхийлдэг бол Цы нь хайр сэтгэлийн уянга буюу европ шүлгээр бол романс юм. Цы нь хөгжмийн аялгууны дагуу зохиогдож, XII зууны үеийн жүжгийн зохиолын нэгэн хэсэг болж байсан ажээ.
