Товч агуулга:2014-2016 онд хэрэгжүүлсэн “Монголчуудын угсаатны бүрэлдэхүүн болон угсаа гарлын цогц судалгаа” (ShUTT 002/2014) сэдэвт төслийн хүрээнд “Монгол улсын Баргууд” сэдвээр судалгаа явуулж, Баргын угсаа гарал, соёл, зан үйлийн талаар судалгааны тайлан бичжээ. Харин энэ удаа дээр дурдсан төслийн үр дүнд гаргасан ном, судалгааны тайлангийн бүтэц, агуулга, хамраг хүрээг өргөжүүлэн шинэчилж, мөн Манлайбаатар Дамдинсүрэнгийн намтар судлалын бүтээлтэйгээ хамтатган “Баргын түүх, угсаатны зүй” хэмээх гурван боть бүтээл болгон “Баргажин-2018” наадмыг тохиолдуулан хэвлүүлжээ. Үүний гол зорилго нь Монголын угсаатны бүлгийн нэгэн болох Баргын угсаа гарвал, түүхэн уламжлал, түүхт хүмүүс болон тэдний шашин, соёл, зан үйл, Монголын түүхэнд гүйцэтгэсэн үүрэг, эзлэх байр суурийн талаар уншигч, сонирхогчдод нэгдсэн ойлголт өгөхөд оршино.
