Товч агуулга:Тус ганц сэдэвт бүтээл нь бүжиг дэглээчийн намтар, үйл ажиллагаа, урлах эрдмийг нэгэн бүхэл болгон цогцоор авч үзэхдээ уран бүтээлийг нь ангилан судалж, бүжиг дэглэх арга барил, ур чадварыг нь олон талаас нь нээн харуулахыг зорьсноороо шинэлэг судалгааны ажил болсон. Монголын бүжгийн урлагийн түүхэнд холбогдох аман болон бичгийн арвин эх хэрэглэгдэхүүнүүдийг судалгааны эргэлтэнд оруулсан тус бүтээлийг бүжгийн сургалт, судалгаанд өргөнөөр ашиглах боломжтой. Түүнчлэн монгол хэл дээрх бүжгийн онол, түүхийн ном зохиол нэн ховор байгаа өнөө үед залуу уран бүтээлчдэд нэрт бүжиг дэглээчийн ур чадвар, туршлагаас суралцах, санаа сэдэл өгөх ач холбогдолтой бүтээл болжээ.
