Товч агуулга:Бизнес ба нийгэм” сурах бичиг нь “ Бизнес нийгмийн харилцаа”, “Компаний нийгмийн хариуцлага”, “ Бизнесийн ёс зүй”, “ Бизнес ба төр”, “ Бизнес ба байгаль орчин”, “ Бизнесийн оролцогч талууд, тэдгээрийн ашиг сонирхол”, “ Эмэгтэйчүүд, ажил эрхлэлт, гэр бүл”, “ Технологи нийгмийг хөдөлгөгч хүч болох нь” гэсэн үндсэн найман бүлэгтэй. Оюутнууд, төгсөөд тодорхой төрлийн ажил хэрэг эрхэлдэг байгууллагад эсвэл өөрийн бизнесийг бий болгон ажилладаг. Тухайн байгууллага яагаад уг ажил хэргийг эрхэлж байна вэ, энэ ажил хэрэг ямар орчинд өрнөдөг вэ, яагаад аливаа ажил хэрэг эрхлэх үйл ажиллагаа нь уг үйл ажиллагааг эрхлэхэд оролцогч бүх талуудад тодорхой хэмжээний үнэ цэнийг бүтээж эсвэл үгүй болгож байдаг вэ гэдгийг энэхүү сурах бичгийг судалснаар ойлгох болно. Иймээс их дээд сургуульд төрөл бүрийн мэргэжлээр суралцаж байгаа оюутнууд, цаашид бизнес эрхлэхээр зорьж буй залуучууд, бизнес эрхлэгч нартаа энэхүү сурах бичгийг зориулан гаргажээ.
