Товч агуулга:Дэд ботид Ш.Бира академичийн “Монголын түүх, соёл, түүх бичлэгийн судалгаа” гэдэг сонгодог бүтээлийн эмхэтгэлийг оруулжээ. Ази, Африкийн хэл соёлын судлалын хүрээлэнгээс эрхлэн Токио хотноо 1994 онд нийтлүүлсэн энэ бүтээлд Ш.Бира академич өмнөх үг, Ц.Ишдорж эмхэтгэгчийн үг, Tatsuo Nakami редакторын үг бичиж нийтлүүлсэн болно. Тус эмхэтгэлийг 1977 онд нийтлүүлсэн академич Ш.Бирагийн “БНМАУ-ын түүх, соёл, түүх бичлэгийн асуудалд” түүвэр зохиолын хоёрдугаар боть болгон нийтлүүлсэн бөгөөд хоёр дахь удаагийн энэхүү түүвэрт 1978-1991 онд бичсэн зохиолоос нь сонгосноос, монгол хэлээр найм, орос хэлээр зургаа, англиар арван гурван бүтээл оруулсан. Бүтээлүүдийг нь зохиогч өөрөө ямар хэлээр бичиж нийтлүүлсэн тэр хэлээр нь оруулжээ.
