Товч агуулга:Дөрвөн Ойрадын нэг нь болох Хошуудын түүхэнд зориулагдсан бөгөөд Хошуудын үүсэл, бүрдэл, түүхэн замнал, тархан суурьшсан түүхийг өгүүлсэн түүхчдийн хамтарсан судалгааны ажил бөгөөд Халимаг, Шинжаан, Хөхнуур, Алашаа, Ховд зэрэг олон газар тархсан Хошуудын түүхийг бүлэг, хэсэг болгон зүйлчлэн, Ганьсу мужийн Сүбэй-д буй хошууд нь орчмын жилд засаг захиргаа, нутаг дэвсгэрийн өөрчлөлтөөр Хөхнуурын Хайши-гээс тасран салсан учир Хөхнуурт оруулж бичсэн болно. Бүтээл нь бүхэлдээ XY зууны эхэн хагасаас эхлээд ХХ зууны эхэн, дунд үе хүртэлх он цагийг хамарсан. Гол агуулга нь Хошууд аймаг мандан бадарч Ази, Европын өргөн уудам нутагт улс, аймаг байгуулж бусдыг эрхшээж, монгол үндэс угсаагаа өмөөрөн тэмцэж ирсэн түүхийн асуудалд гол анхаарал хандуулсан.
