Товч агуулга:Номын нэгдүгээр хэсэгт Д.Нацагдоржийн үйл амьдралыг тодруулах ах дүү, төрөл садан, нутаг орны нь танил дотно нөхөд, уулзаж, сурч, хамт алба хааж явсан хүмүүсийн сонирхолтой дурсамж, дуртгалыг оруулжээ. Хоёрдугаар хэсэгт Д.Нацагдоржийн намтар, уран бүтээлийн судлал, эх бичиг судлалын талаар Монголын болон гадаадын судлагч, эрдэмтдийн бичсэн судалгааны өгүүлэл, тэмдэглэл. Үүнд: Нацагдоржийн шүлгийн уран сайхан, яруу найргийн уламжлал шинэчлэл, шүлгийн холбоц, зохиолын дүрслэх болоод яруу хэрэглүүр, дүр дүрслэлийн асуудал, өгүүллэг, тууж, жүжгийн зохиолын хэл найруулгад хийсэн задлан шинжлэл, уран бүтээлийн онцлогийг тодруулсан өгүүллүүдийг эмхэтгэжээ. Гуравдугаар хэсэгт Д.Нацагдоржийн холбогдолтой бүтээлийн ном зүйн болон зохиолчийн ном товхимлын мэдээ, агуулгын товчийг багтаажээ.