Товч агуулга:Хөх нуурын чуулганы цаазын бичиг хэмээх цаазын бичиг бол улсын дотоод, гадаадын эрдэмтэн мэргэдэд ерөөс мэдэгдээгүй Монголын эртний хууль цаазын дурсгал бичгийн нэг бөгөөд тус цаазын бичиг нь Дөрвөн Ойрадын хошууд аймгийн гэгээн Гүүш хаан 1637 оноос хойш аймаг албатаа дагуулан Хөх нуур, Төвдийн өндөрлөгт орж ирээд 48 жил болсны дараа 1685 онд Хөх нуурын чуулган дээр тунгаан баталсан цаазын бичиг юм. Энэхүү цааз тухайн үеийн Хөх нуурын монголчуудын улс төр, хууль цааз, аж ахуй, шашин шүтлэг, соёл, зан заншил зэрэг нийгмийн амьдралын олон талыг нилээд өргөн хамарсан өвөрмөц онцлог бүхий орон нутгийн чанартай хууль цаазын бичиг ажээ.