Товч агуулга:Д.Мөнх-Очирын “Угсаа гарвал судлал” цуврал ном уншигчдийн гарт хүрч байна. Уг цувралын энэхүү номонд Өвөрхангай аймгийн Хархорин, Бүрд, Зүйл сум бүтэн, Хужирт, Сант сумын хагас, Архангай аймгийн Хашаат сум бүтэн, Өгийнуур сумын хагас, Булган аймгийн Гурванбулаг, Рашаант сумынхны удам угсаа, өвөг дээдсийг хойч үед нь таниулах зорилготой юм. Үндэсний Төв архивын сан хөмрөгт хадгалагдаж буй “Хорин оны (1930 он) олон аймаг хошууд, хотын хүний насны ялгааны товчоо бүртгэл” гэсэн баримтаас харахад Хангай хайрхан уулын хошуу нь 1930 онд нийт 11597 хүн амтай байсан бөгөөд үүнээс 4376 эр хүн, 5694 эм хүн, 1527 лам байжээ.
