Товч агуулга:Д.Мөнх-Очирын “Угсаа гарвал судлал” цуврал ном уншигчдийн гарт хүрч байна. Уг цувралын энэхүү номонд Төв аймгийн Баян-Өнжүүл, Бүрэн, Дэлгэрхаан, Лүн, Өндөрширээт, Эрдэнсант, Алтанбулаг, Баянхангай сумын хагас, Булган аймгийн Баяннуур, Бүрэгхангай сумын хагас болон Дашинчилэн сумынхны удам угсаа, өвөг дээдсийг хойч үед нь таниулах зорилготой юм. Үндэсний Төв архивын сан хөмрөгт хадгалагдаж буй “Хорин оны (1930 он) олон аймаг хошууд, хотын хүний насны ялгааны товчоо бүртгэл” гэсэн баримтанд Зогсоол жаргалант уулын хошуу нь 1930 онд нийт 10727 хүн амтай байсан ба үүнээс 4107 эр хүн, 5228 эм хүн, 1389 ламтай байсан бол Халиугчин боролзой уулын хошуу нь 11470 хнү амтай байсан бөгөөд үүнээс 5131 эр хүн, 5610 эм хүн, 729 ламтай, харин Хүнцэлцавчид уулын хошуу нь 8721 хүн амтай байсан бөгөөд үүнээс 3635 эр хүн, 4277 эм хүн, 809 ламтай байжээ.