Товч агуулга:Д.Мөнх-Очирын “Угсаа гарвал судлал” цуврал ном уншигчдийн гарт хүрч байна. Уг цувралын энэхүү номонд Сайн ноён хан аймгийн Ёст бэйлийн хошуу буюу одоогийн Өмнөговь аймгийн Баяндалай, Гурвантэс, Ноён, Сэврээ, Хүрмэн сумынхны удам угсаа, өвөг дээдсийг хойч үед нь таниулах зорилготой юм. Үндэсний Төв архивын сан хөмрөгт хадгалагдаж буй “Хорин оны (1930 он) олон аймаг хошууд, хотын хүний насны ялгааны товчоо бүртгэл” гэсэн баримтанд Гурвансайхан уулын хошуу нь 1930 онд нийт 9020 хүн амтай байсан бөгөөд үүнээс 2850 эр хүн, 4639 эм хүн, 1529 лам байжээ.
