Товч агуулга:Монголын “Улаан ном”-ын анхны хэвлэл гарснаас хойших арван жилийн хугацаанд уур амьсгалын хуурайшилт, байгалийн баялгийн ашиглалт эрчимжсэнээс устах аюулд орж болзошгүй ховор амьтан, ургамлын зүйлийн тоо эрс нэмэгдэх хандлагатай байгааг сүүлийн үеийн судалгааны ажлын үр дүн нотолж байна. Манай улс зах зээлийн эдийн засагт шилжих болсноор биологийн баялгийн ашиглалт ихээхэн нэмэгдэж, амьтан, ургамлын амьдрах орчин хумигдан доройтож байгааг харгалзан, байгаль цаг уурын эрс хатуу ширүүн нөхцөлд амьдардаг, ховордсон амьтан, ургамлын удмын санг хамгаалах зорилгын үүднээс энэхүү номыг шинэчлэн толилуулж байна. Улаан номонд нэн тэргүүнд хамгаалах шаардлагатай нэн ховор, ховор 100 зүйл амьтан, 128 зүйл ургамлыг оруулжээ.
