Товч агуулга:Профессор Д.Хүүхэнбаатар МУИС-д 48 дахь жилдээ багшилж, мянга мянган шавь төрүүлсэн эрхэм хүндтэй сурган хүмүүжүүлэгч юм. Тэрээр нэгэн сэдэвт зохиол гурав, 20 шахам хамтын бүтээлд оролцон туурвиж, эрдэм шинжилгээний олон арван өгүүлэл хэвлүүлсний зэрэгцээ судалгааны ажлынхаа үр дүнг гадаад дотоодод болсон эрдэм шинжилгээний 40 гаруй хуралд илтгэл тавин хэлэлцүүлж нийтийн хүртээл болгосон байна. Түүний 80 насны ойд зориулан “Эрдэнэзуу хийдийн түүхээс” (1962), “Монгол гүрний элчин харилцаа” (1964), “Монголын соёл” (1968) бүтээлүүдийг эмхтгэн дахин хэвлүүлж та бүхэнд хүргэж байна.
