Товч агуулга:Дөрвөдүүд нь нэн эртнээс аман зохиолын төрөл зүйл, зан үйл, түүх, соёлоор ихээхэн баялаг бөгөөд түүнийгээ хэдэн зуун дамжуулан өвлөн хадгалж ирсэн угсаатан ястан юм. Ардын аман зохиолын төрөл зүйл бүхэн хэрэглээ болоод учир зүйн өөр өөр зориулалттай байхаас гадна уран сайхны хувьд төгс боловсорсон байдаг байна. Энэ бүтээлд дөрвөд ястны домог үлгэр, баатарлаг тууль, домог хууч яриа, ерөөл магтаал, домогт дуу, ардын дуу, кокир дуу, бөө мөргөлийн дом шившлэг, зан үйлийн холбогдолтой аман зохиол зэргийг багтаажээ.
