Товч агуулга:Богд хааны ордон музейн сан хөмрөгт хадгалагдаж буй өндөр гэгээн Занабазарын ухааны ур, мэлмийн ур, мутрын урын дүнд бүрэлдэн бий болсон алдарт Ногоон Дара Эх шүтээнийг нандин шүтээнийхээ үүднээс ч тэр, урлагийн бүтээлийнхээ хувьд ч тэр монгол түмний шашин, соёлын охь шимийн дээд гэдэгтэй маргах аргагүй юм. Энэхүү цомогт XVII зуунаас XX зууны эхэн үеийг хүртэлх цаг үед хамаарах 80 орчим ногоон Дара Эх бурханы шүтээн дүрийг толилуулсан ба эндээс Өндөр гэгээний хийц, түүний дэг сургууль, Их хүрээ хийц, түүнчлэн долнуур, төвд, хятад хийцийн аргаар бүтээсэн танка зураг, зээгт наамал, загал зураг, цутгамал хөөмөл, шуумал, бар зэрэг дүрслэлийн олон янзын арга барилыг илтгэх нандин шүтээнүүдийн урлалыг сонирхон үзэх болно.
