Товч агуулга:Энэ номонд Сельма Лагерлёф, Сигрид Унсет, Габриэла Мистраль, Дорис Лессинг нарын Нобелийн шагналт 14 эмэгтэй зохиолч болон уншигчидаа байлдан дагуулсан Жэйн Остин, Марина Цветаева, Анна Ахматов, Маргарет Митчел, Айн Рэнд, Мурасаки Шикибу, Анне Франк, Э.Л.Войнич, Эми Тан, Стефани Мейер, Чюн Яао нарын үе үеийн 25 уран бүтээлч, зохиолч эмэгтэйн намтар, уран бүтээлийн товчоон, мөн онч мэргэн үгсийг түүвэрлэн оруулжээ. Цаг үеэсээ түрүүлж сэтгэж чадсан, хувь тавилангийн сорилт, засаг төрийн мөрдлөг хавчлага, амьдралын нугачаанд сөхрөөгүй, хүчирхэг эмэгтэйчүүдийн бахдам амьдрал, тэмцлийн түүхийг уншигч та энэ номноос унших болно.