Товч агуулга:XX зууны Монголын түүх бүхэлдээ туурга тусгаар улсын бүрэн эрхт байдал, эрх чөлөө, тусгаар тогтнолын түүх байлаа. 1990 оны цагаан морин жилийн хувьсгал бол монголчуудын түүхэнд гарсан томоохон ололт амжилт билээ. Түүхийн бодит үнэнийг дурсах, ололт амжилтаа бататгах, монгол хүн бүрийн оролцоо сэтгэлийн дэм, эв нэгдлийн дээд илэрхийлэл болсон түүхэн цаг үеийг мөнхжүүлэхэд хувь нэмрээ оруулах үүргээ биелүүлж, Монголын үндэсний музей тухайн үед холбогдох үзмэр, эд өлгөөс 100 гаруйг дээжлэн авч, дагалдах эрдэм шинжилгээ, судалгааны өгүүлэл, товч хураангуй тайлбар, өнгөт болон хар гэрэл зураг бүхий “Ардчилсан Монгол Улс” хэмээх эл бүтээлийг олон түмэндээ толилуулж байна.